Help Center
Questions and answers.
The Online Store, WhatsApp Store, billing, khata, Staff, pricing and security. Can't find your answer? Ask us on WhatsApp.
General
What is KhataBhai? · KhataBhai kya hai?
KhataBhai (khatabhai.com) online store aur business software ek saath hai, web par aur WhatsApp par. Customer aapke Online Store se order karte hain, aur wahi order Invoice, stock aur khate mein judta hai. Saath mein billing, khata aur udhaar, payment reminders, purchases, delivery, Staff aur GST Reports. Roz ka kaam WhatsApp par text, voice ya photo bhej kar, aur poora dashboard web par.
Do I need to download any app? · Kya mujhe koi app download karni padegi?
Nahi. KhataBhai WhatsApp par aur web browser mein (phone ya computer) chalta hai. Bas humara WhatsApp number save karein aur start karein. Android phone par chahein toh KhataBhai app bhi le sakte hain: wahi business, wahi login, aur delivery, printing, attendance aur Orders desk app mein hi.
Who can use KhataBhai? · KhataBhai kaun use kar sakta hai?
Distributor, wholesaler, trader, manufacturer ya service business. Chhota business sirf billing aur khata use kar sakta hai, aur distributor Staff, van stock, delivery aur collection bhi on kar sakta hai.
What can I do beyond billing? · Billing ke alawa kya kya hota hai?
Online Store, customer aur supplier ka khata, payment reminders, Staff roles, stock aur Warehouses, purchases, delivery aur GST Reports. Online Store, hazri, Staff Pay aur loyalty points Essential ya upar ke plan par milte hain; broadcasts Grow ya upar par. Jo chahiye woh feature on karo, baaki band rakho.
What is KhataBhai's WhatsApp number? · KhataBhai ka WhatsApp number kya hai?
Shuru karne ke liye +91 94090 95854 par WhatsApp par Hi bhejo. Sales ya madad ke liye +91 9409095940 par WhatsApp ya call karo.
Does it work in Hindi? · Kya yeh Hindi mein kaam karta hai?
Haan. Hindi, English aur Hinglish teeno chalti hain, likh kar bhi aur bol kar bhi.
What if WhatsApp goes down? · Agar WhatsApp band ho jaaye toh?
Aapka saara data humare cloud pe stored hai, WhatsApp pe nahi. Tab tak web par login karke kaam jaari rakh sakte hain.
Can I use on multiple phones? · Multiple phones pe use kar sakte hain?
Haan. Staff add karo, har ek apne number se web aur WhatsApp par kaam karega, apne role ke hisaab se access ke saath: Manager, Cashier, Billing Staff, Field Salesman ya Viewer. Kitne Staff login kar sakte hain, yeh aapke plan par depend karta hai.
Will it work with slow internet? · Internet slow hai, kaam karega?
KhataBhai WhatsApp pe kaam karta hai jo low bandwidth pe bhi achha chalta hai. Agar WhatsApp chal raha hai, KhataBhai bhi chalega.
How to get help? · Help kaise milegi?
KhataBhai ko WhatsApp pe 'Help' likho, menu aur madad mil jaayegi. Team se baat karni ho toh +91 9409095940 pe WhatsApp ya call karein.
What are support timings? · Support timing kya hai?
KhataBhai WhatsApp pe kabhi bhi kaam karta hai. Humari support team Monday se Saturday, 9 AM se 8 PM tak reply karti hai.
Will I get training? · Training milegi?
Haan. Kahin bhi atko toh humari team WhatsApp par madad karti hai, Monday se Saturday, 9 AM se 8 PM. Shuru karne se pehle Interactive Demo par bhi try kar sakte ho.
What's the difference between KhataBhai and Vyapar? · KhataBhai aur Vyapar mein kya farak hai?
KhataBhai mein roz ka kaam WhatsApp par hota hai: voice se bolo ya likhi list ki photo bhejo, bill ban jaata hai. Poora hisaab web par, koi app download nahi. Vyapar ke features unki website par dekhein aur jo aapke kaam ke tarike se mile, woh chuno.
How is it better than KhataBook? · KhataBook se better kaise hai?
KhataBook mainly udhaar track karne ka digital ledger hai. KhataBhai mein khata ke saath GST billing, voice aur photo billing, reminders, stock, purchases, Staff hazri aur pay bhi hai. Aur yeh web aur WhatsApp dono par chalta hai, alag app download nahi karna.
Online Store
What is the Online Store? · Online Store kya hai?
Aapke business ka apna link, jaise khatabhai.com/shop/aapka-business. Customer items dekh kar order karta hai aur WhatsApp code se apna number verify karta hai. Order aapke paas Sales Order ban kar aata hai: accept karo aur Invoice banao. Customer delivery ya pickup par aapko payment karta hai. Checkout par online payment lena ho toh apna payment gateway account jodo. Online Store Essential ya usse upar ke plan par milta hai, online orders ke saath.
WhatsApp Store
What is the WhatsApp Store? · WhatsApp Store kya hai?
Customers aapke apne WhatsApp Business number par chat mein hi items dekhte hain, cart banate hain aur order karte hain. Order Sales Order ban kar aapke Online Store orders ke saath aata hai, aur items, prices aur stock aapke KhataBhai se aate hain.
Which plan has the WhatsApp Store? · WhatsApp Store kis plan par hai?
WhatsApp Store aapke apne WhatsApp Business number par chalta hai, jo Grow aur upar ke plan par milta hai.
Billing
How does voice billing work? · Voice billing kaise kaam karta hai?
Bas WhatsApp pe voice message bhejein, jaise 'Ramesh Traders ka bill banao, 10 bag cement 380'. KhataBhai samajh ke bill ka draft banata hai aur confirm karne ke liye aapko bhejta hai.
How to create bills using photos? · Photo se bill kaise banayein?
Haath se likhe order ya bill ki photo WhatsApp par bhejo. KhataBhai items, quantity aur rate padh kar bill taiyaar karta hai aur save karne se pehle aapse confirm karwata hai.
How do I send payment reminders? · Payment reminder kaise bhejein?
WhatsApp par likho "Sharma Traders ko reminder bhejo", ya "sabko reminder bhejo" toh jin parties ka paisa baaki hai un sabko ek saath jaata hai. Web par customer ke page se Send Reminder dabao. Reminder customer ko WhatsApp par baaki amount ke saath jaata hai. Yeh Essential aur upar ke plans par milta hai.
How to get PDF invoice? · PDF invoice kaise milega?
Har bill ke baad KhataBhai aapko professional PDF invoice generate karke deta hai jo aap customer ko share kar sakte hain. Aapka business name aur logo, sab include hoga.
How do I track staff attendance and pay? · Staff ki hazri aur salary kaise rakhein?
Staff Pay on karo (Essential ya upar ke plan par). WhatsApp par likho "Ramesh aaj aaya", "Ramesh half day" ya "sab aaye". Din ke hisaab se daily ya monthly pay judti hai, payment record hota hai aur PDF pay statement ban jaata hai. Driver apne kharche ki photo bhej kar claim kar sakta hai, aap ek tap mein approve karo.
Do I get a daily report? · Roz ki report milti hai?
Haan. Kabhi bhi "aaj ki sale" poochh lo. Settings mein nightly report on karo toh roz raat aapko sales, collection aur Staff ki summary WhatsApp par mil jaati hai.
Why billing on WhatsApp? · WhatsApp pe billing kyun?
Kyunki aap WhatsApp roz use karte ho. Naya app seekhne ki zaroorat nahi. Invoice seedha customer ke chat mein jaata hai, aur bill voice message se bhi ban jaata hai.
Pricing & plans
What is KhataBhai's pricing? · KhataBhai ka price kya hai?
KhataBhai ek hi product hai, plans alag hain: Free, Essential, Grow, Business, Scale. Free ₹0 hai aur kabhi expire nahi hota. Paid plans ₹349 mahine se shuru hote hain. Har plan mein kya hai, Pricing page par dekhein.
What's included in the free plan? · Free plan mein kya milta hai?
Free plan mein billing, customers, items aur stock, purchases, Reports aur WhatsApp bot milta hai, ek staff login ke saath. AI ki ek chhoti monthly limit hoti hai. Online Store, zyada staff ya apna WhatsApp number chahiye toh paid plan lein.
How do I pay? · Payment kaise karu?
Paid plans UPI AutoPay (PhonePe) se chalte hain. Ek baar approve karo, har mahine ya saal apne aap renew hota hai.
Can I cancel? · Kya cancel kar sakte hain?
Haan, kabhi bhi. Koi lock-in nahi hai. Plan period ke end tak chalta hai, phir Free par aa jaata hai. Aapka data delete nahi hota. Refund ke liye Refund Policy page dekhein.
Is there an annual discount? · Annual plan mein discount milta hai?
Haan. Yearly is about 13% less than 12 monthly payments.
Is there a free trial? · Free trial hai?
Jab free trial chal raha ho, naye business ko 7 din ka Grow trial milta hai; tab pricing page aur signup screen par dikhta hai. Trial ho ya na ho, Free kabhi expire nahi hota aur card nahi chahiye. Trial khatam hone par business Free par aa jaata hai. Kuch delete nahi hota: jo Free mein nahi hai woh read-only rehta hai aur export ho sakta hai.
Security & privacy
Is my data safe? · Mera data safe hai?
Haan. Data HTTPS pe encrypted jaata hai, sensitive details AES-256 se encrypted store hoti hain, aur hum aapka data kisi ko bechte nahi. Privacy Policy mein detail hai.
How safe is my billing data? · Mera billing data kitna safe hai?
Aapka data HTTPS pe encrypted jaata hai. WhatsApp keys, payment gateway keys aur bank details jaisi sensitive cheezein AES-256 se encrypted store hoti hain, aur backups bhi encrypted hote hain. Data MongoDB Atlas, DigitalOcean aur Vercel jaise established cloud providers pe rehta hai. Aapka staff sirf wahi dekhta hai jo uska role allow karta hai.
What are my rights under DPDP Act? · DPDP Act ke under mera kya right hai?
Digital Personal Data Protection Act ke under aapko yeh rights hain: apna data dekhne ka, correct karane ka, delete karane ka, aur data portability ka. Koi bhi request WhatsApp pe bhej sakte hain.
Can I export my data? · Kya mera data export kar sakte hain?
Haan. Dashboard se aap apne invoices, customer list aur payment records CSV ya PDF format mein export kar sakte hain. Aapka data aapka hai, kabhi bhi le jaayein.
What happens when I delete my account? · Account delete karne pe kya hota hai?
Account delete karne pe aapka saara data 30 din mein permanently delete ho jaata hai. Is dauran aap mind change karein toh recovery possible hai. 30 din ke baad koi bhi data recover nahi ho sakta.
Still have a question?
Our support hours are Monday to Saturday, 9 AM to 8 PM. We reply as soon as we can.