In this article
KhataBhai se WhatsApp par invoice banane ke teen tareeke hain: text message likho, voice note bhejo, ya likhi list ki photo bhejo. KhataBhai draft banata hai, aap confirm karte ho, aur PDF invoice taiyaar ho jaata hai, jo party ko WhatsApp par bhej sakte ho. Poora record web par bhi milta hai.
WhatsApp roz ke chhote kaam ke liye hai. Reports, settings, lambe invoice aur accounting ke liye web par poora dashboard hai.
Shuru karne se pehle
- KhataBhai ka WhatsApp number save karo, aur Hi bhejo. Ya web par signup karo.
- Business ki details bharo: naam, address, GSTIN aur logo. Yeh web par Settings mein ek baar bharna hota hai.
- Items save karo, rate, HSN aur GST rate ke saath. Isse har invoice par sahi tax lagta hai.
- UPI ID daalo, agar invoice par UPI QR dikhana hai.
Invoice mein kya kya hona chahiye, yeh hamari GST invoice format guide mein hai.
Tareeka 1: Text message se
Invoice banao: Suresh Enterprises
20 carton biscuit 640
10 box soap 850
KhataBhai samajhkar draft dikhata hai. Check karo aur confirm karo.
Tareeka 2: Voice note se
Mic dabao aur bolo:
"Ramesh Traders ka invoice banao, 10 bag cement 380, 4 box wire 1200"
Note transcribe hota hai, aur confirm karne ke baad hi invoice banta hai. Tips ke liye voice billing guide dekho.
Tareeka 3: Likhi list ki photo se
Party ki haath se likhi list ki photo bhejo. KhataBhai use padhkar draft banata hai. Items, rate aur party check karke confirm karo. Tips ke liye photo billing guide dekho.
Kaunsa tareeka kab?
| Situation | Tareeka |
|---|---|
| Chhota order, type kar sakte ho | Text |
| Haath free nahi, ya gaadi mein ho | Voice note |
| Party ne kaagaz par list di | Photo |
| Bada invoice, kai details | Web par form |
Invoice banne ke baad
Party ko bhejo. PDF invoice WhatsApp par bhej sakte ho.
Payment record karo. Poora ya thoda payment, cash, UPI ya cheque, sab record ho sakta hai. Baaki amount party ke khate mein rehta hai.
Reminder bhejo. Baaki amount ke liye likho: "Sharma Traders ko reminder bhejo". Sab parties ke liye "sabko reminder bhejo", jo bhejne se pehle confirm karta hai. Apne shabdon wale messages hamari payment reminder format guide mein hain.
UPI QR dikhao. Settings mein Show UPI QR code on karo, UPI ID ke saath. Invoice par baaki amount wala QR aata hai.
Har mahine ek jaisa invoice?
Web par Recurring Invoices set karo: Weekly, Monthly, Quarterly ya Yearly. Schedule par asli invoice banta hai. Party ko bhejna optional hai.
Web aur WhatsApp ek hi record hain
Jo invoice WhatsApp se banta hai, woh web par Invoices mein dikhta hai. Stock aur dues invoice ke saath update hote hain. Agar aap apna Online Store chalate ho, toh wahan se aaya order bhi accept hone par yahi invoice banta hai.
Invoices screen ka sample, demo data ke saath.
Billing aur business ke baare mein aur dekho, ya WhatsApp ka demo try karo.
Aam sawaal
Kya WhatsApp par GST invoice ban sakta hai?
Haan. Items par HSN aur GST rate saved ho toh invoice par CGST aur SGST ya IGST lagta hai. Apna setup CA se ek baar check karwa lo.
Kya alag app download karna padega?
Invoice ke liye nahi. WhatsApp aur web browser kaafi hain. Android phone par KhataBhai app bhi hai: poora KhataBhai, wahi login aur wahi records, saath mein printing, driver delivery, attendance aur Orders desk.
Purane invoices kaise dekhein?
WhatsApp par poochho, jaise "Is mahine ke invoices dikhao", ya web par Invoices kholo.
Kya staff bhi WhatsApp se invoice bana sakta hai?
Haan, apne number se aur apne role ki permission ke hisaab se.
Kitna kharcha aata hai?
Plans aur unme kya shamil hai, yeh sab pricing page par hai.
